زبدة الشيا لوحدها بتبقى تقيلة شوية، فبنخففها بزيوت طبيعية عشان تبقى أسهل في الفرد وأسرع امتصاص 

✨ الطريقة للشعر : 

1.  خدي كمية زبدة الشيا اللي محتاجاها 
2.  سيحيها حمام مائي (يعني تحطيها في طبق جوه طبق فيه مياه سخنة) أو استخدمى الميكروييف
3.  بعد ما تسيح، ضيفي زيت من الزيوت دي: 
   •  زيت اللوز الحلو → ترطيب ونعومة 
   •  زيت جوز الهند → تغذية ولمعان 
   •  زيت الجوجوبا → سريع الامتصاص 
   •  زيت الزيتون → ترطيب عميق 
   • تقدري تستخدميها قبل الشاور: كحمام زيت نص ساعة أو بعد الشاور: نقطة صغيرة على الأطراف للترطيب

📏 النسب:

•  2 معلقة زبدة شيا 
•  1 معلقة زيت (تقدري تزودي حسب القوام اللي تحبيه) 
•  قلّبي كويس وسيبيها تبرد 
•  ممكن تدخليها التلاجة شوية وبعدين تضربيها بمضرب عشان تبقى كريمي (زي الزبدة المخفوقة) 

💛 الاستخدام:

•  كمرطب يومي للجسم 
•  كريم لليدين والرجلين 
•  مرطب بعد الشاور 
•  للشعر كـ leave-in خفيف 

🌿 ثانياً: عمل مقشر زبدة الشيا بالسكر

✨ الطريقة:

•  سيحي زبدة الشيا (زي الخطوات اللي فوق) 
•  ضيفي زيت طبيعي (اختياري بس بيدي نتيجة أحلى) 
•  ضيفي سكر والمكونات اللى تحبيها زي القهوة أو النيلة الزرقاء أو العكر الفاسي للتوريد 

📏 النسب:

•  2 معلقة زبدة شيا 
•  1 معلقة زيت 
•  2 معلقة سكر (أبيض أو بني) 
•  قلّبي لحد ما يبقى قوامه متماسك (لا سايح قوي ولا ناشف) 
•  ممكن تضيفي نقطتين زيت عطري (اختياري) لريحة حلوة 

🧼 طريقة الاستخدام:

•  استخدميه على بشرة مبلولة 
•  دلكي بحركات دائرية بلطف 
•  ركزي على الأماكن الخشنة (كوع – ركبة – كعب) 
•  اشطفي بمياه دافية 

💛 فوائده كمقشر:

•  بيشيل الجلد الميت 
•  بينعم البشرة فورًا 
•  بيرطب في نفس الوقت (مش بينشف زي مقشرات تانية) 
•  بيدي glow حلو للبشرة 

⏰ عدد المرات:

•  من 2 لـ 3 مرات في الأسبوع 

💡 نصايح مهمة:

•  متدعكيش بعنف عشان متتهيجش البشرة 
•  يفضل يتستخدم بالليل 
•  احفظيه في علبة مقفولة بعيد عن الميه