1. مرحلة "الديتوكس" والحمام المغربي (مرة أسبوعياً) 🛀

• مرحلة البخار: افتحي مية سخنة في الحمام لحد ما يتملي بخار، واقعدي تحت المية الدافية لمدة 10 دقائق عشان المسام تفتح ، وفي الوقت دا انقعي الليفة المغربية في مية سخنة.
• اخلطي الصابون المغربي مع التبريمات والحناء البيضاء، وممكن تضيفي شوية مية عادية أو ماء ورد، ووزّعي الخليط على الجسم وسيبيه من 5–10 دقايق لازم الجسم يكون خالي من أي صابون قبل الليفة).
• الليفة (للجسم والضهر): ابدئي بفرك جسمك بالليفة المغربية الأصلية (واستخدمي ليفة الضهر للأماكن الصعبة)، حركات دائرية من تحت لفوق.. هتلاقي الجلد الميت بيطلع معاكي فوراً.

2. مرحلة التفتيح العميق (الدلكة والتبريمة) ✨

• الدلكة السوداني: بعد الليفة، حطي الدلكة السوداني و اعجنيها بالماء الدافي و افرديها على جسمك كله وهو ناشف وافركيها بحركات دائرية لحد ما تنشف وتفركيها بإيدك.. دي بتوحد اللون وبتنعم جداً.
• التبريمة المغربية + النيلة البودر: اخلطي شوية من التبريمة مع رشة من النيلة الزرقاء البودر وشوية مية ورد، وادهني بيهم جسمك وسيبيهم 10 دقائق وبعدين اشطفي.
• طمى البحر الميت: إخلطية مع الزبادي و العسل أو مع ماء الورد وزعيه على المناطق اللي فيها مسام واسعة أو حبوب (زي الضهر أو الكتف) وسيبيه ينشف وبعدين اشطفيه.. ده بيسحب السموم والدهون.

3. مرحلة النضافة النهائية والتقشير الوردي 🌸

• صابونية النيلة: استخدميها كشاور أخير عشان تضمني نضافة جسمك وتستفيدي من ترطيبها العالي.
• مقشر العكر الفاسي: استخدميه على الكوع، الركب، وكعب الرجل عشان تشيلي أي خشونة وتديهم لون وردي طبيعي يجنن.

4. مرحلة "الفنش" الملكي (الترطيب والتعطير) 💖

• زيت الورد: بعد ما تنشفي جسمك (وهو لسه مندي)، ادهني زيت الورد على المناطق الغامقة عشان التفتيح والريحة الحلوة.( متنسيش اختبار الحساسية ) 
• لوشن الجسم: وزعيه على جسمك كله عشان يحبس الرطوبة ويخلي ملمسه قطيفة.
• الزيت المعطر: حطيه على "أماكن النبض" (ورا الودن، عند المعصم) عشان الريحة تثبت معاكي بالأيام.
• البادي سبلاش: رشة أخيرة على جسمك كله عشان الانتعاش والريحة الفواحة اللي هتملى المكان.

💡 نصيحة الديڤا: الالتزام بالترتيب ده هيخليكي تحسي بفرق جبار في لون ونعومة جسمك من أول مرة! 😉