أولاً: روتين الحمام (المغربي، السوداني، والنيلة) 🛀

يفضل تكراره مرة كل أسبوع 

• مرحلة البخار: افتحي مية سخنة في الحمام لحد ما يتملي بخار، واقعدي تحت المية الدافية لمدة 10 دقائق عشان المسام تفتح ، وفي الوقت دا انقعي الليفة المغربية في مية سخنة.
• اخلطي الصابون المغربي مع التبريمات والحناء البيضاء، وممكن تضيفي شوية مية عادية أو ماء ورد، ووزّعي الخليط على الجسم وسيبيه من 5–10 دقايق لازم الجسم يكون خالي من أي صابون قبل الليفة).
• اشطفي الجسم وبعدها افركي الجسم بالليفة (والليفة الضهر للمناطق اللي صعب توصلي لها) عشان إزالة الجلد الميت.
• بعد التقشير تقدري تستخدمي النيلة الزرقاء مع الحناء البيضاء أو طمى الشرفاء كـ ماسك للجسم، وسيبيه شوية دقايق وبعدها اشطفيه.
• ولو حابة تعملي توريد للبشرة تقدري تستخدمي العكر الفاسي مع الزبادي أو مع جل الصبار أو مع قطرات من المية.
• هنا تبدأ مرحلة النعومة والتفتيح: استخدمي الدلكة السوداني أو مقشر الجسم واعملي مساج للجسم بحركات دائرية.
• صابونية النيلة: استخدميها كخطوة أخيرة في الشاور عشان تنضفي الجسم بعمق وتستفيدي من زبدات الترطيب اللي فيها.
• في نهاية الشاور خدي شاور ساقع عشان يساعد على قفل مسام الجلد.
• بعد ما تنشفي جسمك، استخدمي زيت السعد في الأماكن اللي حابة تقللي فيها نمو الشعر ( راجعى طريقة استخدامة من قايمة المنتجات الفردية فى قسم الزيوت الطبيعية)
• وفي النهاية وزّعي اللوشن المرطب والمعطر على الجسم، وبعده حطي لمسة من المخمرية عشان يفضل جسمك معطر وناعم طول اليوم. ✨

ثانياً: روتين العناية بالشعر 💇‍♀️

• حمام الكريم: بعد الشامبو، حطي كمية مناسبة من حمام الكريم على شعرك (بعيد عن الفروة)، سيبيه 15 دقيقة وانتي لابسة "بونيه"، وبعدين اشطفيه.
• سيروم الأرجان: بعد ما تنشفي شعرك بالفوطة (وهو مندي)، حطي نقطتين من السيروم على الأطراف عشان اللمعان والحماية من الهيشان.

ثالثاً: روتين الترطيب والتعطير ✨

• لوشن الجسم: أول ما تطلعي من الحمام وجسمك لسه مندي، ادهني اللوشن عشان يحبس الرطوبة ويخلي جسمك ناعم.
• زبدة مسك الطهارة: ادهنيها على أماكن النبض والمناطق الحساسة (من الخارج) لتعطير ثابت يدوم أيام.
• العكر الفاسي: امسحي بيه خدودك وكعب رجلك عشان يديكي توريد (لون وردي) طبيعي وشكل صحي.
• ليب بالم: ادهني شفايفك قبل النوم عشان تفضل مترطبة ومنفوخة.

رابعاً: العناية الخاصة (زيت السُعد والباديكير) 👣

• أملاح الباديكير: حطي رجلك في مية دافية مع الأملاح لمدة 20 دقيقة، بتشيل التعب وبترطب الجلد الميت عشان يسهل إزالته.
• زيت السُعد: ادهنيه على المناطق اللي شيلتي منها الشعر (بالسويت أو الوكس) يومياً لمدة 3 أيام، عشان يقلل نمو الشعر تدريجياً.

💡 نصيحة "مولان ستور": التزمي بالروتين ده بانتظام قبل الفرح بـ 3 شهور، وهتنسي حاجة اسمها جلد وزة أو غمقان تماماً!